Saso Recyd е еден од поактивните продуценти на нашата сцена, техно и хаус маестро кој својот успех го реди во своето родно место Битола. Во изминативе години беше спомнуван во емисиите на Pete Tong, a неговите траки ги пуштаа многу диџеј фаци завидувајќи му на неговата оригиналност.

Позначајни изданија му се оние на Funkwelle и Leftout, а пред некој месец се најде на Plus8 со ремикс на траката Jackson од американецот Ambivalent. Plus8 беше и уште е една од најмоќните етикети, бидејќи во на почетокот зад неа стоеа John Aquaviva и Richie Hawtin, а во поново време останува да ја гради само најмоќниот Plastikman.

За Plus8 имаат издадено Electric Deluxe (Jochem Paap), FUSE, Taksi, False, Dreamlife, Adam Beyer, Alex Under, Alexi Delano & Xpansul, Baby Ford & Eon, Link, Lemon8, Paco Osuna, а на оваа издавачка се најде и легендарната трака Spastik на Hawtin.

Официјалното издание беше пуштено во продажба на 27 јули оваа година, а вие можете да го пронајдете во сите позначајни дигитални музички продавници.

Ремиксот на Recyd им е омилен на Slam, сопствениците на Soma Records како и на многу диџеи кои веќе ја измиксаа во своите месечни подкасти.

Track Listing
1. Jackson
2. Train To Brooklyn
3. Lear
4. Ghost Note
5. Jackson – Camea Remix
6. Jackson – Saso Recyd Remix

Во прилог можете да ја слушнете Ambivalent – Jackson (Saso Recyd Remix)