Во петокот вечер на Скопското Кале настапија едни од најмоќните бендови на нашата планета Massive Attack.
Овој мини фестивал, Скопје Гори, организиран од Авалон продукција, започна точно во 8 часот со одличните и енергични белграѓани Сви на Под!. Иако не настапија пред многубројна публика, оставија добар впечаток кај многу од присутните со нивниот настап.
По нив на сцената се качија загребчаните Lollobrigida, бенд со водечки женски вокали, кои со својот екцентричен настап и говор, си обезбедија простор за идни обожаватели.
За да биде заокружен балканскиот музички дел, свое место вечерта имаше и Edo Maajka кој дефинитивно доби најмногу овации и поддршка за својот настап и лирики, презентирани со неговиот добро познат и одличен стил. Иако со нов бенд, звучеше одлично и спремно за Скопје, град во кој неговите настапи се доста забележани.
По мала пауза, сцената беше спремна за 45 минутниот настап на Martina Topley Bird, жена – инструмент. Иако сама на сцената, овој моќен вокал ја разнежни публиката со своите авторски песни, кои ги изведуваше сама со помош на новата технологија, на која и се заблагодари во текот на изведбата. Нежна и спремна, испеа и отсвире нови, неиздадени песни, но и постари кој воодушевуваат на свој начин.
И го дочеквме и настапот на главните ѕвезди вечерта. Во полн состав како и што беше најавено, момците од Бристол Robert Del Naja и Grant Marshall заедно со вокалистите Martina Topley Bird и Horace Andy и покажаа на многубројната публика дека се состав кој вреди да се чуе барем еднаш во животот, а притоа да не се заборави никогаш енергијата која овој бенд ја нуди на сцената. Музика и настап од кој мозокот ти се суши, а желудникот ти бара храна.
Многубројната публика, во која имаше и доста гости од соседните држави, се забавуваше на песните од најновиот албум на Massive Attack – Heligoland, но и изведбите на добро познатите постари и сеуште неверојатно добри Teardrop, Unfinished Sympathy, Angel, Intertia Creeps. За време на концертот, визуелно беа претставени доста интересни пораки на македонски јазик, во кој беше прикажана борбата за човекови права.. иако доста неразбирливо на моменти. Побаран беше и бис, со надеж дека ќе се чуе уште една од омилените песни, но тоа не се случи. Сепак, македонската публика беше задоволна, бидејќи беше дел од оваа голема турнеја и концерт кој долго ќе го памети, со прекрасен амбиент и неверојатно музичко остварување.
По настапот на Massive Attack, на бината ги чувме и нашите најуспешни Bei the Fish, кој го задржаа вниманието на присутните и ги размрдуваа со нивните прекрасни мелодии на Скопското Кале.
Единствената забелешка на овој концерт, беше јачината на звукот. Публиката која не беше во можност да биде во т.н фан пит, се пожали дека не е баш најпријатно на ваков концерт повеќе да се слуша публика која разговара, отколку музика.
Но, како што рековме и во најавата, ова беше спектакл кој ќе се памети.
( www.skopjeclubbing.com.mk 2010 )
zvuk fail . kontakt so publika fail. energija na scena fail . se na se 3 (trojka)
Zvukot ne beshe slab,bese perfekten! MA ne svirat hevy metal i poradi toa ne bese preglasno čelo Vreme! Koga ke se ubacese i gitara so rifovi zvukot bese itoa kako glasen.A,jas bev pozadi mix pult.Za zal,kaj nas uste dooolgo ke se prestavuva petsonifikacija na dobar zvuk Lenny Kravitz koncertot,pri toa,zaboravakji deka Lenny sviri bazicen rock i toa bash glasno!
I da,zaboraviv da dodadam:edinstvena maana na petocnata večer e sto nemase i sabotna:)) So Chemical Brothers na primer! Ajde,zdravje,kako trgnalo…