Вечерва на Скопското Кале ќе настапат Massive Attack во склоп на нивната светска турнеја, на која што ќе го отствират својот петти студиски албум – Heligoland. Од Авалон, организаторите на овој настан, најавија дека Massive Attack ќе имаат свое 90 минутно шоу, а програмата започнува во 20 часот, но вратите ќе бидат отворени еден час порано.

Ова бристолско дуо не е за првпат во нашиот град, а Robert del Naja и Grant Marshall ќе имаат одличен увод од вечерта од страна на одличната вокалистка Martina Topley Bird. Претходно на Скопје Гори 2010 ќе настапи и белградскиот бенд Svi na Pod!, загребчаните Lollobrigida, Edo Maajka, а последни вечерта ќе настапат и нашите Bei the Fish, со што ќе заврши овој одличен фестивал.

Вечерва на преубавото Скопско Кале, дефинитивно ќе се случи еден од најубавите спектакли годинава.