Latenta Project е македонско диџејско и продуцентско дуо, составено од двајцата преамбициозни момци, Мики Стефаноски и Димче Филипоски. Спојот на овие двајца млади музичари доведува до голем понатамошен успех на електронската сцена, интернационални настапи, огромна дискографија и уште толку многу обожаватели на нивниот посебен звук. Во ова интервју поставивме многу прашања, но Latenta Project ни одговорија и не уверија дека се едни од амбасадорите на добриот и квалитетен извозен хаус од Македонија. Следат интересни прашања кои специјално за Skopjeclubbing ги одговорија во еден здив – Latenta Project!
1. Latenta Project не е ново име на македонската сцена, но сепак многу малку луѓе се запознаени со вашата работа, дали се стремите кон надворешниот пазар. Зошто не правите поголеми промоции на вашата работа овде?
Latenta Project: Веројатно звукот кој што го промовираме е недоволно интересен за нашата публика.
2. Со сигурност вашето име е поврзано и со вашата заедничка работа? Што точно сакавте да кажете со Latenta Project?
Latenta Project: Искрено кажано, немаме никаков концепт ниту сакаме да кажеме нешто. Едноставно правиме музика што ни се допаѓа без никакви претензии за поголема продажба, промоција и слично.
3. Многу луѓе ве препознаваат по специфичниот звук кој е надалеку познат, многу ремикси и чартови на познати диџеи, настапи во познати клубови со стриктно одбрана и добра публика, како се развиваше вашиот успех?
Latenta Project: Со еден збор – спонтано, бидејќи отсекогаш сме го правеле тоа што искрено го сакаме, не очекувајќи нешто посебно. Нашата цел е извоз на квалитетна музика.
4. Заедно работите долго време, кој е вашиот пристап на правење музика? Како се разбирате меѓу себе што точно сакате да извадите од една трака?
Latenta Project: Сакаме да извадиме јак бас, да грми :).
Гледајќи низ нашата дискографија може да се забележи дека основа на секоја наша песна се елементи од диско-соул-фанк музиката. Со текот на времето процесот се сведе на слушање стари фанк нумери додека играме фудбал на Sony и потоа семплување на истите.
5. Кои ви се омилени артисти, бидејќи сте двајца, сигурно имате барем малку различен вкус еден од друг? И како тоа изгледа кога е миксано?
Latenta Project: Интересно е тоа што нашиот вкус е речиси ист, обајцата сме отворени кон секаков стил на музика, од дабстеп, фанк, боса нова или пак дип хаус…, а тоа што го бараме е уникатност и квалитет.
Најголем дел од времето го трошиме на преслушување музика и селекција на истата. Во моментов тешко е да се издвои нешто посебно, но сепак лејблови како Compost, 2020 Vision, Freerange, Sonar Kollektiv и сл. ни лежат на душа.
5. Во последно време се фокусиравте на отворање на новиот лејбл Wavesurfing, истоимен како и вашата радиска емисија на Proton Radio? Каков звук негува овој лејбл, кој се неговите следни планови? Што се можеме да очекуваме?
Latenta Project: Wavesurfing е логична прогресија на она што го работиме. Се поретки се издавачките куќи кои негуваат оригинална хаус музика, а и чувството е многу поубаво кога ќе издадеш нешто за себе. Тоа е исто како да градиш свој дом. Од аудио продукцијата па се до визуелниот дел и промоцијата, многу повеке грижа вложуваме во нашиот лејбл отколку останатите.
6. На почетокот на годинава се појавивте и на компилацијата SOS – Ministry of Sound, компилации со традиција, уште некое слично изненадување?
Latenta Project: MOS беше ептен пријатно изненадување за нас, се надеваме нешто слично ќе се случи во поблиска иднина. Сега успеавме да ја лиценцираме нашата “Sick My Duck” за Sony Music (South Africa). Се уште немаме подетално инфо за каква компилација станува збор, можеби е поврзана со светското првенство во фудбал :)
7. Многу изданија на добри лејблови зад вас, дали Latenta Project во блиска иднина планира да настапи Live?
Latenta Project: Подолго време размислуваме и дискутираме на таа тема. Вистински предизвик би бил кога би почнале да настапуваме во живо со можеби женски вокал.
8.Кои се вашите следни планови, патувања, фестивали, можеби нови изданија, албум?
Latenta Project: Набрзо треба да се појави нашето EP за Sex On Wax издавачката куќа, во винил и дигитален формат како и ремиксот што го направивме за нашите пријатели од Дубаи, Raxon & Mr Mr на песната “The Sand Off”.
Во план е и албум, но во соодветно време… Сакаме да биде нешто посебно, можеби соработка со други музичари кои свират на живи инструменти и по некој вокал. Би сакале албумот да биде повеќе за домашна отколку клубска атмосфера. Во план е и дупла диск микс компилација, остануваат само деталите дали ќе биде само дигитална или пак и во ЦД формат, и дали ќе ја издадеме за нашиот лејбл “Wavesurfing”.
Околу настапите во иднина – ни престојат неколку журки тука на Балканот, а веќе подолго време во план е Јужна Америка, но организицијата на едно такво патешествие е сложена поради огромната далечина и датумите на журките. Сепак сме оптимисти :)
Планираме да снимиме и видео албум од местата на коисто настапуваме, нешто како група “Ластовица” на времето.
9. И за на крај, би сакале да споделите некое неодамнешно интересно искуство со нашите читатели..
Latenta Project: Па како поинтересен настан што го паметиме е настапот во Црна Гора на самото финале на лига на шампиони. Клубот беше празен до 1 по полноќ, почнавме да свириме со мисла дека е ова уште една пропадната журка.
Но, по само 15 минути, влетаа куп расположени и алкохолизирани младиќи и се случи една од нашите пооткачени журки.
Ви посакуваме топли и сончеви летни мигови :P
Latenta Project – July 2010 chart
1.Hot Toddy – Floatation Tank [Cdr]
2.Shahrokh Dini – Chewed Life [Compost]
3.Wavetest – Schmisiman [Drumpoet Community]
4.Dolphin Boy – Don’t Stop (Andreas Saag’s Dolphin Deep Perspective) [Rebirth]
5.James Blonde & Oliver Deutschmann – Milanese (Quarion’s Sicilia Profonda Remix) [Falkplatz Limitiert 01]
6.Ocean Gaya – Think Global (Terry Lee Brown Junior Remix) [Acryl Music]
7.Robert Babicz – Warm Rain [Cdr]
8.Funk D’Void – Flealife [Outpost]
9.Tigerskin – Hole In The Sky [Manual Music]
10.Arno E Mathieu – Awake (Manoo Remix) [Clima Records]
Интервју: Катерина Милеска (www.skopjeclubbing.com.mk 2010)
