Зад псевдонимот 5kunX се крие Киро Пенов, човек кој последните две децении е присутен на алтернативната музичка сцена во Скопје, како гитарист и басист во неколку скопски бендови (Brainhole, Decadence, Ripping Tripping…) а подоцна успешно работи како DJ.

После неминовните рок и панк периоди, првите запознавања со електронската музика датираат во касните 80-ти, со бендови како Tangerine Dream, Kraftwerk, Can, па преку EBM и Industrial. Токму овие правци на музиката придонесуваат кон прифаќање на новиот електронски dance звук кој почнува да се развива во раните 90-ти години. Некаде во ‘96 година се сретнува со Goa и Psy звукот и го понесува пред се идеологијата на правецот и влијанието на хипи културата од 60-тите споена со технологијата на денешницата.

Со дј-ството активно се занимава од 2002. Неговите сетови се доста флексибилни во однос на музичките жанрови, од Psy – progressive до deep psychedelic techno и minimal звук. Најчесто застапени издавачки куки во неговиот избор се Iboga, Spiral Trax, Iono, BlueTunes, Flow, Echoes, Dance’n’dust итн…

Освен пуштањето музика, 5kunX членува во промотерската кука Distant Point која е заслужна за голем број на настапи на странски и домашни дј-и, на различни локации. На скопската публика и има преставено имиња како Liquid Soul, Ritmo, Time In Motion, Protonica, Cubbix…

Покрај ова интересно е да се напомене е и тоа дека е основач на www.psy.com.mk интерактивен форум кој ја прати локалната и глобалната psytrance сцена.

Линкови:

http://www.myspace.com/5kunx

http://www.myspace.com/distantpoint

http://www.psy.com.mk