Софтверот за настапи во живо, “Ableton Live”, и виртуелниот софтвер за винили “Serato Scratch” конечно ги објавија резултатите од нивното партнерство. Но, не е она што многумина очекуваа дека ќе биде  - диџеј дек во Ableton. Нивната соработка направи еден “мост” помеѓу двата брега за начинот на кој диџеите и продуцентите ќе настапуваат.

Serato to Ableton

Новиот продукт “The Bridge” работи на овој начин: можете да снимите микс на Serato, а потоа да го вметнете во Ableton Live, и да го манипулирате со оваа алатка, односно да си играте со “loop-ови”, да додавате ефекти, но и да ги поправите сите грешки.

Ableton transport Control

Другата страна на “The Bridge” е дека, со оваа алатка, можете да ја префрлите било која трака од Ableton Live во Serato, loop или семпл (можност за контролирање и со винил), и со тоа да ги измиксате постоечките траки, користејќи ги и виртуелните инструменти, но и менување на ефектите. Доколку пак сакате да направите нешто ново, Ableton Live се вклучува со еден клик.

Можеби со зборови неможе толку добро да се опише овој софтвер, кој ќе им биде од корист на многу диџеи и продуценти, но затоа постојат одлични објаснувања кои ги има на видео каналите. Звучи доста примамливо, и ако некој од вас има искуство, слободно може да го сподели со нас и читателите.