Замислете да сте многу заљубени (а можеби и навистина сте!?) и на љубената и пеете: i don’t know what lead me to your love, was it faith or destiny, oooh either angels from above smiling down on you and me… Така Mayer Hawthorne и пее на својата замислена, а можеби и вистинска девојка. Како и да е кога јас ја слушнав оваа песна го посакав токму истото: да и ја посветам на својата сакана. Се работи за првиот сингл Maybe so,maybe no од албумот A Strange Arrangement на Mayer Hawthorne, ултимниот албум за минатата година (заедно со албумот La Llama на Savath & Savalas) и неизбежна трака во моите емисии на 103. Практично се работи за преработка на песна на The New Holidays, со која тој ја потенцира искрената благодарност кон својата инспирација од младоста. Младиот, тотално cool господин Hawthorne, музичар и воедно соул пејач од Мичиген, својот хип хоп бекграунд го доведува до класичен Motown звук. Секако со современа продукција, но во основа чистокрвен соул, кој според лириките инспирацијата ја црпи директно од вечната тема – љубовта. Не залудно Ray Charles himself, во своето Playboy интервју од 1970, соул-от  го опишува како “people who do things from the heart”. Иако “траката која најмногу се врти во мојот плеер” се менува он а weekly basis, а можеби и daily, сепак оваа остана таму веќе некое време… чинам ќе остане уште некое. Кога ќе ги чуете и останатите траки на албумот, едноставно го посакувате само за себе и својата сакана. На крај не ми преостанува ништо освен токму на неа и да и ја посветам.

Тони Димитров