По премиерата од крајот на минатата година  документарниот филм “Ако никој не свири” овој викенд може да го гледате во Кино Фросина од 29 до 31 jануари а проекциите започнуваат во 20 часот.
“Ако никој не свири” е филм за подземната историја на скопската рокенрол сцена, за нејзиниот автентичен урбан сензибилитет и неисцрпна креативна енергија. Филмот одблиску ги следи почетоците на бендот Bernays Propaganda низ секојдневниот предизвик да се живее за музиката.
Во филмот учествуваат: Васко Атанасоски, Кристина Горовска, Џано Куч, Горан Аргировски, Кирчо Арсовски, Ненад Неделков, Мирко Попов, Сеад Хаџиќ и други борци на македонската музичка сцена.

Сценарио и Режија: Ѓорѓи Јаневски
Камера: Бранд Ферро
Монтажа: Благоја Неделковски

“Ако никој не свири” е независна продукција на СТОТРОЈКА – здружение на граѓани за културна иницијатива, во соработка со PETRA PAN FILM, HOUSE 57 и 3X. По овие проекции, во план е прикажување на филмот и во други градови низ републиката, како и негово учество на повеќе меѓународни филмски фестивали.