Роден 1972, Скопје.
Купува плочи и внимава на музика уште од ситните одделенија на основно училиште, што логично резултира со привте роденденски диџеј сетови во раните 80ти. Неколкуте авангардни музички револуции во 80тите, но и неверојатно високиот квалитет на поп музиката од тоа време помагаат да развие здрава љубопитност, дивергентен музички вкус и ориентација кон постојан прогрес, што ќе се одрази пресудно во понатамошните одлуки.
Привот професионален диџеј букинг го добива во 1992 и од тогаш не престанува со настапи, имено 2-3 пати неделно. Истата година добива простор во култното скопско музичко радио Канал 103, што е еден од клучните моменти во неговиот равој како личност и музичар. Слободното изразување, кое е основна филозофија на оваа радио станица може да направи чуда за човек. Од 2008ма е и главен и одговорен урeдник на Канал 103.
Во 1993 е во епицентарот на македонската техно-културна револуција, ставајќи го Скопје на мапата на ова современо движење. Канал 103 е главниот катализатор и на овој модерен восклик на новата генерација, решена да расчисти со културната и сеопштата заостанатост во земјата. Во тој правец се движи и формирањето на ПМГ Колективот во 1995та од Мирко Попов (и Александра Малевски), како манифест на акцијата која треба да го победи незадоволството од актуелната состојба. ПМГ во следните години ќе прекрасне во водечка авангардна сила на скопските улици, одговорна за широк спектар акции, од драг-еуфории до музички револуции. Журките на ПМГ од 90тите се суштината на скопскиот убран фолклор од тоа време, а Мирко Попов како диџеј, има можност редовно да настапува низ регионот, но и на некои атрактивни европски клубски дестинации.
Во 1998 ја формира ПМГ Рекордингс, дискографска куќа која има намера да ги издаде сите квалитетни македонски музики на новото време, славејќи ја современата култура и исправајќи историски грешки и неправди нанесени на македонската музика од блиското минато. ПМГ Рекордингс денеска е водечка независна дискографска куќа во земјата, со преку 40 изданија.
Последните години на минатиот век ги донесоа и првите (хаус, техно и електро) продукции за него, за во 2003та сето тоа прерасне во бендот ПМГ Колектив (еклектична комбинација на жив и електорнски пристап во слободен стил) каде е автор на музика, текстови и вокалист. Бендот за кратко време прераснува во еден од водечките домашни бендови од првата деценија на новиот век и веќе има издадено 4 албуми и отсвирено повеќе македонски и европски турнеи.
И понатаму живее и работи во Скопје.
