Љубовта и страста кон хаус музиката е тоа што ги спои Мики и Дидо во проектот наречен “Latenta Project”. Првото издание насловено како “Good Morning” беше потпишано за добро познатата издавачка куќа “Sick Watona” и од тогаш за овие двајца продуценти нема пауза. Следуваат изданија за етикети од типот на: Plastic City, Sex on Wax, Proton Music, Sick Watona, Ready Mix, Deepology, Witty Tunes, Outside The Box, Cabrio Records, Body Rhythm Black… При крајот на 2009 започнуваат со работа на својот сопствен лејбл наречен по истоименото радио шоу на Протон Радио – “Wavesurfing”. Продукцијата на “Latenta Project” досега е поддржана од голем број на артисти меѓу кои: Laurent Garnier, Luke Fair, Desyn Masiello, Demi, Ricky Ryan, 16Bit Lolitas, Nacho Marco, Spiritchaser, Eelke Klein, Satoshi Fumi, Ross Couch, James Talk, Kosmas Epsilon, Manuel Tur, Dana Bergquist, Scope, Add2Basket итн. Нивниот сон за продукција на квалитетна “house” музика конечно е јаве. Како DJ-и вбројуваат настапи низ: Словенија, Унгарија, Полска, Словенија, Русија, Бугарија, Албанија, Србија, Хрватска, Дубаи и секако Македонија. И двајцата знаат што е тоа што е потребно да се раздвижи публиката на подиумот, без разлика дали е тоа загревање за DJ од типот на “Luke Fair, Franck Roger, Add 2 Basket” или свирејќи целовечерен сет. И самите велат: “лесно е да избереш 20-тина peak-time песни и да отсвириш 2 часовен сет, но за да ја задржиш публиката 5-6 па и повеќе часа на подиумот потребно е сериозно студирање и програмирање на сетот”.
Latenta Project
